من قلـب أحمد إلــى من همهم أمره // مـا كنت بكتب إذا مــا الأمر يستدعي
تســعة وتســعين مــرة اكتـم العبرة // وآنـا امتلي بالألم من ضلعي الضلعي
اشهور مرت وانا احسب ضيقتي طفرة // إليـن طول مــداها وانتـثر دمــعي
سنتـين ازرع وفـا وانا انتظر ثمرة // مـن دون انذار مـسبق احترق زرعـي
أكرمت حظي وحـظي يعطي بالحسرة//لا بل سخى مع سواي وجاد في منعي
يا يشوف له حلّ ولا يشوف لي دبرة // لني حسب ماعتقد سويت ما بوسعي
لا الحال ما شي ولاني طايعٍ أمره // وبكل صراحة أنا مستـاء مـــــن وضعي
والصاحب اللي نساني هزته الذكرى // من عقب نزف القصايد حس في وجعي
ما ر ِِد لـه مغـرمِ ٍ خل ينفعه مـــــكره // لو جانِ ساعي بريده زاحفِ يسعـي
ابعد من نجوم ليله في سما ظهره // يكفي .. له ارفع يدي .. وبالخير له أدعي
والصاحب اللي جفيته شاقنــي ذكـره // أبغــي أرد العلاقــات .. بــأثر رجعـــي
وشلون مدري عليا هانت العشـرة // لا الصـد شـرعي ولا الهجـران من طبعي
لكــن دق اللحـــام يــأدي لــكســـــره // لا بارك الله فـِ هرج ِاسمـــعه لربعـــي
مـا هم بـ ربعي ..حشا ..هم زمرةِ قشرة // عذال حكموا علينا والحكم قطـعــي
غلطـان قلبي وطيـّن غلطته عـذره // *شتِت شملهم* مثــل ما شتـتوا جمــعي
مشـتاق أسولف معه واغـفي على نحره // وبكل احساس قلبه يصغي لسمعي
بمخــر عباب الكحل واتوه فـي بحره // والف سود الجدايل في طرف صبـعي
تسرح تعابير صدري في سعة صدره // وآعلمه وش جرا في غيبته لشمعي
الأربعاء أغسطس 26, 2009 9:08 pm